نكت مغربية بلجملة لمقرا يتنزه

هاد واحد كان تتفرج في التلفزة وهو يشوف لتنقزو من بلاص عالية و تتبق شادهم الكوردة من رجليهم.
قال حتى انا نديرها غدا.
في الصباح ناض عبر الدار تاعو لقا فيها12 متر.مشا عند مول الحانوت قاليه عتيني قنبة تكون فيها 10 متر
هي هديك طلع لسطح نقز و هو يموت.
جاو المحققين تفتشو. مشاو عند مول الحانوت قالو ليه تتعرف هداك لمات
قاليهم اه راه جا لعندي قالي عتيني قنبة فيها 10 متر و معا عزيز عليه زدت 2 متر

هاد واحد 20 عام محسن شعرو . واحد المرة مشا عند الحلاق .الحلاق يلى بدا يحسن ليه .شوية جبد عيار و بدا تدوزو فوق راسو.لخور قاليه خويا اش تدير
قاليه راني تنقلب على لمقص

هاد واحد ديما تنعس 23ساعة على 24ساعة ديما
واحد النهار جاو عندو الصحفيين قالو ليه خويا بغين نسولوك هديك الساعة لتتبقى ليك اشنو تدير فيها
قاليم تنتكى شوية نرتاح

هدا الفيل تبكي في المحطة النملة راكبة في طاكسي
شافتو و هي تقوليه مالك تتبكي قالها ملقيتش بلاصا
وهي تقولو ماتبكيش اجي برك فوق فخادي

واحد رجل طويل ديما تتقول مراة النخلة ديما
واحد نهار جاي كاعي لدار قالت ليه مرتو مالك مقلق ا النخلة
شدها هزها فوق الثلاجة و قالها شوف مك دابا شكون لغدي ينزلك

واحد مشا عند مول الحانوت قاليه عطيني شي خبزة تكون مدايراش

اهو يعطيه باريزيانة /حيت كعمة دايرة/

واحد الرجل مبلي بالكارطة فيقة الزوجة ديالو لسحور، او حطت حداه الطبصيل ديال البغرير،هو يعطي 3البغريرات الزوجة،3الإبن،او خاد هو 3او بق تيشوف،هو يقليه الإبن ديالو"...كول"...وهو يجاوب الأب..."كول انت راه انا الي مفارق"

3لعيالات تنساو بزاف .............وحدة فيهم عارضة على 2 لخرين عندها في الدار .جاو عندها لدار دخلاتهم بركو في الصالون عمرات ليهم اتاي فاش سلاو من اتاي ناضت جمعات طابلة و بركات حداهم .
بقاو تهدرو شوية وهي تقولهم ناري باقي معمرتش ليكم اتاي انا غادي نوض دابا .عمرات ليهم اتاي شربوه دازت شوية نسات و هي تقوليهم باقي مشربتوش اتاي و هوم يقولو ليها باقي ناضت
عمرات ليهم اتاي. شى 4 لمرات و تتعمر ليهم اتاي
صافي نادو دوك جوج عيالات خارجين من الباب وحدة قالت لخرة وشوفي هاد لمراة من صباح وحنا عندها مقداتش تعمر لينا حتا براد تاع اتاي
خرجو من الباب لخرة طلات من شرجم شافتهم و هي تقول وشوف هاد صحابتي دازو من قدام الباب و مقدروش يدوزو عندي